МВР доставило дополнителни информации до ОЈО за нередите во Собранието

Од:

СВР Скопје до надлежното Основното јавно обвинителство дополнително доставило три посебни известувања околу сознанијата на истрагата за неколку лица од настаните предизвикани од упадот на граѓани во Собранието на Република Македонија на 27 април.

– По извршениот преглед на видеоматеријалите од безбедносните камери во Собранието, идентификувани се лица коишто учествувале во отстранување на претходно поставената блокада на вратата од внатрешната страна од главниот влез на собраниската зграда, соопшти Министерството за внатрешни работи.

Завчера СВР Скопје поднесе кривична пријава против вкупно 15 лица осомничени за сторени кривични дела „учество во толпа што ќе спречи службено лице во вршење на службено дејствие“ и „учество во толпа што ќе изврши кривично дело“.

ОЈО Скопје побара распишување централни расписи за приведување на сите 15 лица за кои постојат основи за сомнение за посочените кривични дела. На 30 април од слобода беа лишени осум лица коишто беа изведени пред судија на претходна постапка. Кај петмина од нив изречена е мерка притвор во траење од по осум дена, за едно лице мерка домашен притвор, а за две лица мерка претпазливост.

– СВР Скопје и натаму во координација со ОЈО Скопје интензивно работи на натамошна идентификација на лица коишто биле учесници во немилите настани од 27 април, соопшти МВР.

Би можело да ве интересира

Собранието ја прифати интерпелацијата за државниот обвинител Коцевски

Катерина Ѓуровски

Кривична пријава за градоначалникот на Кичево, Фатмир Дехари

Катерина Ѓуровски

На 29 јули интерпелација за републичкиот јавен обвинител – Љупчо Коцевски

А1он

МВР: Уапсени се две лица, одземено е товарно возило, запленета е стоката

МВР: На социјалните мрежи се појавија лажни објави за телефони, апелираме да не кликнувате на такви објави

За 48 часа МВР „подели“ 1.293 казни на возачи и пешаци