Мрзнат водомери поради ниските температури во Кавадарци. Раководителот на Работната единица за водовод и канализација при Јавното препријатие од овој град, Марјан Прескакулев денеска информираше дека околу седумдесет водомери се пријавени како нефункционални поради студот.
– На замрзнатите водомери им се искршени стаклата и тие не се во функција. Доколку не реагираат навреме, водокорисниците кои имаат вакви дефекти остануваат без вода за пиење, бидејќи водата ја полни шахтата и дворот. Затоа е неопходно ваквите проблеми да се пријават навремено, соопшти Прескакулев.
Тој нагласи дека мрзнат водомери кај дел од водокорисниците кои имаат непрописно направени водомерни шахти.
Екипи на „Комуналец” се на терен и активно работат на отстранување на ваквите дефекти.
