Мониторинг на ААВМУ: Постојат елементи кои индицираат можна поврзаност на уредувачките политики на ТВ Алфа и ТВ Нова

Од:

Извештајот на Агенцијата за аудио и аудиовизуелни медиумски услуги (ААВМУ) од мониторингот на медиумското известување, за периодот од 6 до 15 месецов, покажува дека повеќето телевизии и радија се придржуваат кон професионалните стандарди, некои заземајќи критичка позиција кон власта. Сепак, соопшти денеска ААВМУ, кај неколку програмски сервиси се забележува отстапување.

– Општа констатација е дека покрај редовните секојдневни информации, медиумите ја обработуваат темата за „локалните избори“ се повеќе применувајќи аналитички пристап, бидејќи е период на официјални партиски кандидатури за градоначалници, се затвори увидот во единствениот Избирачки список, а се ближи и процесот за започнување на изборната кампања, стои во соопштението.

Според ААВМУ, во периодот опфатен со мониторингот, Првиот програмски сервис на Македонската Радиотелевизија – МРТ 1, при информирањето за политичките партии, целосно бил фокусиран на двете најголеми партии – од опозицијата и од власта и речиси и да не информирал за другите партии/независни кандидати, кои исто така, подготвуваа кандидатски листи и имаа други активности.

– Начинот на известување на ТВ Алфа и ТВ Нова укажува на прекршување на начелото за објективно и непристрасно прикажување на настаните со еднаков третман на различните гледишта и мислења, а се забележуваат и елементи кои индицираат можна поврзаност на уредувачките политики – особено во начинот на третирање на темата за мигрантите, за заминувањето на странските инвеститори од Македонија, објавувањето наводна анкета на МЦМС кој негира дека ја спровел и сл, наведува ААВМУ.

Иако во досегашните четири извештајни периоди, Радио Слободна Македонија со емитуваните вести не го достигнала прагот од најмалку 2 часа, доволен за извлекување методолошки заклучоци, според ААВМУ, сепак забележливо е дека Радиото е концентрирано на пренесување информации за една политичка партија и речиси и да нема информации за други политички партии.

Би можело да ве интересира

Собранието го донесе Законот за медиуми и други закони

Горан Наумовски

Главна цел на измените на Законот за медиуми треба да биде законската регулација на интернет порталите

Ковачевски: Им се извинувам на медиумите, не сакам да се им се случи она што се случуваше до 2016

Орце Костов

Истражување: Над половина медиумски работници имаат потпросечни плати, во онлајн-медиумите секој трет е пријавен со полно работно време

ВМРО ДПМНЕ ќе предложи амандман за ослободување од социјално и здравствено осигурување на медиумските работници

Катерина Ѓуровски

Промовиран Водич за интегритет на медиумите: Испреплетеноста на медиумската сопственост со уредништвото предизвикува сериозна загриженост околу новинарската независност