МНР ги повикува сите македонски граѓани веднаш да го напуштат Либан

Од:

Поради влошенета безбедносна ситуација во Либан, Министерството за надворешни работи и надворешна трговија на Република Северна Македонија ги повикува сите наши државјани кои се наоѓаат во оваа држава, истата да ја напуштат во првата можна прилика.

Имајќи ја предвид непредвидливата безбедносна состојба на Блискиот Исток, Министерството за надворешни работи и надворешна трговија апелира до граѓаните да ги одложат патувањата кои не се неопходни кон Израел.

Дополнително, македонските државјани кои се наоѓаат на територијата на Израел, да ги следат упатствата на националните безбедносни власти и во зависност од потребата и динамиката на безбедносната ситуација, да го напуштат Израел.

Подетални информации околу актуелните состојби во Израел можат да се најдат на следната веб страна (се отвора само преку серверите на територијата на Израел): https://www.oref.org.il/12481-en/Pakar.aspx​

За повеќе информации, на располагање се СОС дежурните телефони на Министерството за надворешни работи и надворешна трговија 075/ 273- 732 и 075/ 268-736, како и дежурниот телефон на Амбасадата во Тел Авив +972-54-926-7378.

Министерството за надворешни работи и надворешна трговија ќе продолжи да ги следи состојбите во Либан, Израел и регионот и навремено да ги информира нашите државјани за евентуални насоки за постапување.

Би можело да ве интересира

Најмалку 90 убиени во најновиот израелски напад врз Газа

Горан Наумовски

Нетанјаху: Израел стана најмоќната сила на Блискиот Исток

Најмалку едно лице загина во израелски напад со беспилотно летало во Газа

Хезболах: Подготвени сме да се браниме, но не и да започнеме конфликт со Израел

Кац: Израел ја укина вонредната состојба на југот од земјата

Аксиос: Демократите го повикуваат Трамп да се спротивстави на израелската анексија на Западниот Брег