Во недела времето на територијата на целата држава ќе биде променливо облачно и многу студено со сончеви периоди, и со услови за провејување на снег, а ќе дува умерен северен ветер.
Утринските температури се многу ниски и се движат од -22 во Маврово, Берово и -21 Целзисов степен во Демир Капија, до -11 степени во Гевгелија. Максималните дневни, пак, ќе се движар од -12 во Битола и Берово, до -6 во Охрид и -5 во Гевгелија.
Во Скопје и околината утринската температура е -17, додека дневната ќе се искачи до -7 степени.
Во наредните денови ќе се задржи променливо облачно и многу студено време со услови за провејување на локален слаб снег.
Од среда се очекува намалување на облачноста и постепен благ пораст на температурата, а од петок Македонија ќе биде под јужно воздушно струење кога ќе има позначителен пораст на температурата на воздухот.