Министерот Димитров ќе се сретне со градоначалникот на Солун, Бутарис

Од:

На 16 ноември министерот за надворешни работи на Република Македонија, Никола Димитров ќе оствари средба со градоначалникот на Солун, Јанис Бутарис, кој ќе допатува во работна посета на нашата земја.

Ова е втора средба меѓу министерот Димитров и градоначалникот Бутарис за помалку од два месеци на која се очекува да продолжат разговорите од минатиот месец во Солун, за прашања од заеднички интерес, насочени кон унапредувањето на соработката меѓу Република Македонија и Грција и зближување на граѓаните од двете земји.

Исто така, средбата претставува континуитет на воспоставениот дијалог и консултации меѓу двете земји, насочени кон зајакнување на транспарентноста и меѓусебната доверба, како и околу можниот придонес на локалните власти во рамки на Мерките за градење доверба.

Би можело да ве интересира

Мртво девојче е пронајдено на плажа во близина на Атина

Силна експлозија пред станбена зграда во Солун, најмалку двајца се повредени

(ВИДЕО) Несреќа во Грција: Огромен кран падна врз куќа, неколку лица се повредени

Српските ватерполисти поразени од Грција во натпреварот за бронзениот медал на Светското првенство

Грција: Голем шумски пожар близу Атина, евакуирани се неколку села

Горан Наумовски

80-годишен Македонец почина на плажа во Грција