Министерот за одбрана Фатмир Бесими присуствува на свечената церемонија по повод одбележувањето 5 години од независноста на Република Косово на покана на претседателот Атифете Јахјага, премиерот Хашим Тачи и министерот на косовските безбедносни сили, Агим Чеку.
Како што соопшти Министерството за одбрана, министерот Бесими ќе присуствува и на свечената парада по повод Денот на независноста која ќе се одржи на плоштадите Мајка Тереза и Захир Пајазити во главниот град – Приштина. Исто така, ќе присуствува и на повеќе културно – уметнички настани и настани кои ја одбележаа историјата на земјата.