Мицкоски: Ние од ВМРО-ДПМНЕ не се откажуваме од ниеден човек

Од:

Претседателот на ВМРО-ДПМНЕ Христијан Мицкоски пред Битолчани повика на масовност на изборите затоа што со победата ќе се предизвикаат и предвремени парламентарни избори кои, според него, ќе се одржат наесен.

-Да го поддржиме кандидатот на опозицијата, најинспиративниот универзитетски професор. Победа на 21 април, и потврда на победата на 5 мај, и тоа тука во Битола, со што ќе се отворат вратите за предвремени парламентарни избори, а потоа најголемата коалиција, најголемата политичка коалиција во историјата на македонската држава ќе биде коалицијата на народот и опозицијата, само така ќе си ја вратиме Македонија во народот, рече Мицкоски.

На митингот во Битола, Мицкоски даде одговор на јавно поставеното прашање од власта, дали ќе се откаже од поранешните политики на ВМРО-ДПМНЕ.

-Јас во ВМРО-ДПМНЕ бев дел од првата генерација, од втората генерација, а ја предводам третата генерација на ВМРО- ДПМНЕ.

Ние не се откажуваме и никогаш нема да се откажуваме, а како секој лидер и претседател, се што било погрешно го прифаќам на себе и подготвен сум тоа што било погрешно да понудам да го исправам во мандатот доколку народот ми даде доверба.

Ние во ВМРО-ДПМНЕ не се откажуваме од никого и за секој човек се бориме, еден за сите, сите за еден.

Подготвен сум да се соочам со предизвикот, се што било погрешно, да понудам решение за истото, а за се што било добро, а имало и во првата и во втората генерација, да го надградам и заедно сите да понудиме решенија за подобар живот на нашите сограѓани, нагласи Мицкоски.

Би можело да ве интересира

Мицкоски ги повика пратениците од опозицијата да поддржат една изборна единица

Додека не видам Македонец во бугарскиот Комитет, нема ни милиметар да мрднам додека сум премиер на оваа влада, вели Мицкоски

Горан Наумовски

Орбан: Нашиот херој Мицкоски победи на изборите иако цел Брисел го поддржуваше неговиот противник

Горан Наумовски

Денеска во дигиталната судница во Идризово почнува судењето за „Адитив“

Засега нема пристигнато барање од Румен Радев за средба со Сиљановска Давкова, вели Мицкоски

Мицкоски: Со Алиу се познаваме и мислам дека добро ќе соработуваме во рамки на Владата