Мицкоски: Да излеземе на избори, за да не ни бира Собранието претседател

Од:

Лидерот на ВМРО-ДПМНЕ, Христијан Мицкоски го повика народот масовно да излезе на избори во недели, на 21 април, за да, како што рече не се исполни сценариото на Зоран Заев да се бира претседател во Собранието.

Тој порача дека ваквите сценарија овој пат нема да поминат затоа што народот е свесен и ќе го казни на изборите, а овој негов заговор, може да му го прифатат само неговите неколку слуги.

„Треба да знаат дека тие не се господари на волјата на народот туку треба да бидат слуги на народот. Да излеземе на избори, конечно да го победиме заевизмот. 21-ви април е почеток на крајот. Да се избориме за горда и единствена Македонија, а на власта и порачувам да не се дрзнува да ја фалсификува волја на граѓаните, туку демократски да си го прифати поразот“, порача Мицкоски.

На новинарско прашање дали тој остварил средба со лидерот на ДУИ, Мицкоски беше категоричен дека ваква средба немало и дека неговите политички опоненти шират дезинформации во јавноста, односно дека ги извртуваат неговите зборови од митинзите.

Во однос на „бомбите“ што се објавија, Мицкоски тврди дека нема никакви индикации за тоа кој ги објавил, но прстот го впери во лидерот на СДСМ, Зоран Заев, затоа што како што рече, тој во 2015-та направи реално шоу со „бомбите“ и не е исклучено да стои зад ваквото сценарио.

Габриела Димковиќ-Мишевска

Би можело да ве интересира

ВМРО-ДПМНЕ: Атанасов и раководните структури во АХВ не го познаваат законот за ветеринарно здравје

ВМРО-ДПМНЕ: Од проектот МојДДВ најголема корист ќе имаат Заев и оние кои се побогати

СДСМ: ВМРО-ДПМНЕ се лицемерни и немаат право да зборуваат за дискриминација

ВМРО-ДПМНЕ: Настапот на Заев докажува дека Боки Тредичи е негова креатура и дека знаел за се што се случува

ВМРО-ДПМНЕ: Четири недели нема проширување на истрагата за „Рекет“

Предвремените парламентарни избори ќе ја чинат Австрија и општините околу 20 милиони евра