Кандидати на СДС за градоначалници се фатени во непотизам, криминал и корупција, од купување на гласови до вработување на сопруги, вели пратеникот на ВМРО-ДПМНЕ Јане Мицевски.
Кандидатот за градоначалник на Струмица, Марјан Даскаловски е десната рака на Заев во изборната шема за купување на гласови во Струмуца во 2014 година. Гласачите кои одлучиле да соработуваат биле плаќани, за секој глас поединечно, од 10 до 25 евра, во две менувачници раководени една од Вице Заев, а другата од Марјан Даскаловски со назив „Даскал“. Истото е и со кандидатот за градоначалник на Куманово, Мартин Костовски, пратеник од СДС, кој ги гласаше сите штетни договори на Заев и Ковачевски во Собранието. И додека извршуваше наредби на СДС, Костовски си ја вработил сопругата во МНР тогаш управувано од Бујар Османи, рече Мицевски.