Меџити најави дека повеќе нема да се кандидира за прв човек на Чаир

Од:

Градоначалникот на општина Чаир, Изет Меџити, на социјалните мрежи објави дека повеќе нема да се кандидира за градоначалник на општината. Како што вели тој, дојде време да се даде можност на помладите генерации на ДУИ. Од ваквата негова одлука неизвесно е дали Меџити ќе ја продолжи својата кариера во новата влада на ДУИ и СДСМ.

-По три мандати односно дванаесет години, дојде време да се создаде простор и можности за новите генерации на нашата политичка структура да го дадат својот придонес и знаење како и да ги покажат своите вештини и одговорност. За мене беше чест да се влезе во историјата како прв претседател на албанското мнозинство во општините во градот Скопје, напиша на својот Фејсбук профил Изет Меџити.

Инаку, Меџити е потпретседател во ДУИ кој беше овластен од страна на раководството на партијата заедно со Теута Арифи и Невзат Бејта за преговори за формирање влада со СДСМ. Меџити јавно изјави дека е против Никола Груевски и коалицирање со ВМРО-ДПМНЕ.

Мандатот на градоначалниците им престанува во мај за кога и требаше да бидат закажани локалните избори, но засега останува неизвесно кога тие ќе се одржат. Во ваков случај градоначалникот назначува лице од локалната самоуправа, државен службеник на раководна функција кој ги нема истите ингеренции како градоначалникот односно ќе ги врши само техничките работи во општината.

Виктор Јованов

Би можело да ве интересира

Меџити: Време е Ахмети да се повлече

Горан Наумовски

Меџити прогласи победа во Чаир, ДУИ заминаа по дома

Ѓорѓиевски: Чаир ќе добие нов лик, ќе го решиме сообраќајниот хаос и ќе инвестираме во јавната хигиена

Мицкоски: Неформалната коалиција на Венко, Али и Димче има само една цел, да дојде на власт по било која цена

Трајановски : Монтажни катни гаражи, уредени паркови и градинки со зголемен капацитет се проектите за реален напредок на Чаир

Меџити: Имав многу посебна средба со младите кои за првпат ќе гласаат на овие избори