Во овие осум месеци откако е министер, работите во здравството се променуваат и средуваат, иако костумот и вратоврската го гушат и најубаво се чувствува во бел мантил, откри министерот за здравство Фатмир Меџити.
При посетата на неговата матична Клиника за неврологија каде што „Моцарт“ донираше апарат за раана дијагностика на мултипла склероза, Меџити рече неуморно ги решава работите и заедно со својот тим секојдневно гасат жаришта во здравството.
– Во овие осум месеци многу се менува во здравството и сите сте сведоци, работите се средуваат и напредуваат. Тоа што можам да споредам со моите колеги од Неврологија е дека ќе има нова магнетна резонанца и тоа ќе биде распишана јавната набавка многи брзо. Очекуваме и почнуваме на Клиниката за кожни болести ќе премине во Клиника за неврофизиологија, а Клиниката на неврофизиологија ќе дојде на Клиника на кожни болести. Неуморно ги решаваме работите и секој ден гасиме жаришта во здравството – рече Меџити.
Тој апелираше Обвинителството са излее со точни информации за сите вмешани во скандалот на Онкологија.
– Уште еднаш апелирам крајно време е Обвинителството да излезе со точно име и презиме за случајот со Онкологија. Мене ме гуши оваа кравата, јас најубаво се чувствувам тука и имам емоции меѓу колегите, и ми прилега белиот мантил. Не претпочитам да бидам политичар, туку ќе бидам лекар и заедно со вас ќе ги подобриме работиме – додаде министерот.