Oтруени се повеќе од 20 кучиња на подрачјето на Струмица во изминативе 24 часа.
Покрај улични кучиња, имало и три домашни миленици за кои сопственикот веќе поднел барање до полицијата да се започне истрага, но ги известил и општинската комунална инспекција, објави струмичката телевизија Вис.
Утрово, се вели во прилогот на телевизијата, каде што биле пронајдени убиените кучиња се ширела непријатна миризба.
Сведоците за телевизијата велат и дека покрај кучињата имало и дваесетина мртви птици кои најверојатно јаделе јадење кое било затруено.