Масовна тепачка во Кочани, се пресметувале жртви на кражби и наводни крадци

Од:

Вчера во 20.40 часот во Полициската станица Кочани, М.И.(43) од градот пријавила дека на местото наречено „Трајаново трло“ во Кочани, пред нејзината куќа, поголема група на граѓани физички ги нападнале нејзините роднини и соседи.

„Од страна на полициски службеници од Одделението за внатрешни работи Кочани известен е Јавен обвинител и извршен е увид на местото на настанот. По добиени насоки од Јавен обвинител се преземаат мерки за идентификација и повикување на разговор на сите учесници во настанот,“ се вели во полициското соопштение.

Според неофицијални информации, групата дошла со десетина возила, за да се пресметаат со семејството на малолетен крадец кој претходно бил фатен на дело како краде во куќа во градот. По вчерашниот инцидент, тројца повредени побарале лекарска помош во кочанската болница.

Се работи на целосно комплетирање и документирање на случајот по што против учесниците во физичката пресметка ќе биде поднесена соодветна пријава, додаваат од полицијата.

Би можело да ве интересира

Две скопјанки се степаа на паркинг во Чаир

А1он

Кумановец загина во сообраќајна несреќа на патот Куманово-Крива Паланка

Кривични пријави за двајца од Велешта кои му се заканувале на пратеник од Струга

Катерина Ѓуровски

Тепачка во Струмица, еден маж користел секира, полицијата уапси еден од насилниците, вториот е во бегство

45-годишна штипјанка со пластичен пиштол ограбила книжарница

Катерина Ѓуровски

МВР: Уапсени се две лица, одземено е товарно возило, запленета е стоката