Зачудувачки е како ЈО со години молчи за тендер шемите на Стентон Градба. Во период од 2019 до 2023 година, Стентон Градба добиле државни тендери од 66,5 милиони евра, што е за нецели пет милиони евра помалку од вкупните приходи на друштвото, рече на прес конференција Валенстин Манасиевевски од ВНРО-ДПМНЕ.
– Мора да се нагласи дека и остатокот од пет милиони евра, кои не се добиени директно од тендери, поголемиот дел се наплатени како подизведувачи на други фирми исто така на тендери. Дали некои фирми се направени само за да фаќаат тендери, додека остатокот треба да се мачат и по пазарни услови да се борат за корка леб? Како е можно Стентон Градба да нема никаква друга работа освен тендери, и тоа кога СДС беше на власт да биде во топ 10 тендераџии во државата? Дали институциите не го сметаат за сомнително тоа што фирмата 4 години буквално живеела само од тендери? Фаќала работа далеку од нејзината база, а фирми кои се многу поблиску истата не ја добивале, вели Манасиевски.