Утре граѓанската иницијатива „Македонија блокира“ на која и се придружија повеќе организации заедно со политичката партија Единствена Македонија, со организиран превоз ќе носи демонстранти во Охрид за да протестираат пред домовите на пратениците кои гласаа за уставни измени, Сашо Василевски и Љубен Арнаудов.
Според закажаниот план, објавен на Фејсбук страницата на „Македонија блокира“ автобусот за Охрид треба да тргне утре во два часот попладне. За место на поаѓање е определена локација пред Соборниот храм во Скопје.
Пред неколку денови, со запалени свеќи и патриотски песни, демонстранти организирани од партијата Единствена Македонија, протестираа пред домот на пратеникот Крсто Мукоски во Вевчани, кој во Собранието исто така гласаше за почнување на процесот за уставните измени.