„Либералната партија обрнува внимание на опасната појава на закани кон судии и обвинители. Сите оние кои мислат дека со закани ќе ги присилат да водат постапки и да судат спротивно на нивната совест и законот, прават обид да се стават не само над правосудството, туку и над државата.
Ако не се обезбеди непречена активност на правосудните органи во земјата ќе настапи општ хаос, безредие и насилство.
Подземјето секогаш ќе биде вознемирено кога правосудството процесуира и санкционира криминал, а темелното соочување со правдата за случаи од изминатите десет години, но и воопшто во изминатите две децении станува се поизвесно низ работата на Специјалното јавно обвинителство.
Затоа Либералната партија ја поддржува одлуката да и се даде 24 часовна полициска заштита на судијката Кацарска и ги охрабрува надлежните органи и во сите идни случаи правовремено да постапуваат на тој начин“ се вели во соопштението на Либералната парија.