Левица бара собраниска седница за пратенички прашања со задолжително присуство на Нина Ангеловска

Од:

Пратениците на Левица – Димитар Апасиев и Борислав Крмов, согласно Деловникот на Собранието на Република Македонија, денеска до претседателот Талат Џафери упатија официјално писмено известување со барање за свикување итна седница за поставување пратенички прашања, информираат од партијата.

„Ваквата специјална седница, според Деловникот, е предвидено да се одржува секој последен четврток во месецот. Бидејќи утре е последниот четврток во тековниот месец август, а воедно е и последна шанса за поставување пратенички прашања на министрите од техничката преодна Влада на РМ во заминување – нашите пратеници побараа итно свикување пленарна собраниска седница, како би се овозможил уставниот принцип на парламентарна контрола на законодавната врз извршната власт.

Бидејќи планираме на оваа седница да го отвориме контроверзното прашање за пропаста на „Еуростандард банка“ АД Скопје во стечај и на тргувањето со инсајдерски информации од страна на актуелни функционери на штета на граѓаните
и јавниот интерес – пратениците на Левица, 24 часа пред седницата, писмено побараа на седницата да се обезбеди задолжително присуство на Министерката за финансии – Нина Ангеловска и на Гувернерката на Народната Банка на РМ – Анита Ангеловска-Бежовска, согласно чл. 38 од Деловникот,“ велат од партијата.

Би можело да ве интересира

Левица со амандман бара 600.000 евра за обезбедување престој за жртвите на семејно насилство

Левица: Пензионирани пилоти и ова лето ќе гаснат пожари – пожарникарите не поседуваат ниту минимум потребна опрема

Левица: Македонскиот народ сè помалку верува во членство на државата во ЕУ

Собранието ги донесе реформските закони за дигитална трансформација

ВМРО-ДПМНЕ, преку Африм Гаши, се обидува да ја забрани Надзорната расправа за Кочани, обвини Левица

На 9 јули пратениците ќе расправаат за интерпелацијата за претседателот на Уставниот суд