Одделот за внатрешна контрола, криминалистички истраги и професионални стандарди поднесе кривична пријава против Д.К.(40) од Куманово – полициски службеник во Полициската станица Куманово, соопшти МВР.
Пријавата е поднесена поради постоење основано сомнение за сторено кривично дело „малтретирање во вршење на службата“.
На 14 декември минатата година, пријавениот во својство на полициски службеник при вршењето на службата физички го малтретирал И.П. од Куманово, при што му нанел телесни повреди.
Против полицискиот службеник е поведена и постапка за утврдување на дисциплинска одговорност, додаваат од полицијата.