Кумановското јавно обвинителство отвори постапка против едно лице кое е осомничено дека сторило кривично дело – неовластено производство и пуштање во промет на наркотични дроги, психотропни супстанции и прекурсори.
Осомничениот 19 годишен жител на Куманово во својот дом неовластено заради продажба држел 305,91 грама марихуана и 4,29 грама амфетамин. Дрогата била пронајдена на 6 јуни при претрес на домот, скриена во близина на звучник од музички систем во неговата соба. При претресот биле пронајдени и дигитална вага и дрвена дробилка.
Основното јавно обвинителство Куманово до Основниот суд во Куманово поднесе предлог за определување мерка притвор за осомничениот. Судијата на претходна постапка го прифати ваквиот предлог и на лицето му определи притвор во траење од 30 дена.