Кучето Ела, чиј сопственик ја напушти трудна и беше казнет со 500 евра, се вдоми во Англија

Од:

Кучето Ела, чиј поранешен сопственик од Скопје ја напушти трудна и ја доби првата казна од 500 евра за напуштање миленик, денеска пристигна во Англија кај нејзиното ново семејство. На социјалните мрежи беа објавени првите фотографии од Ела и нејзиниот нов сопственик. 

„Тој ќе ја сака неизмерно и ќе направи се да заборави на сите работи што ѝ ги приреди нејзиниот поранешен сопственик. Среќно, Ела!“, напишаа од Здружението „Анима Мунди“. 

Ела со новиот сопственик во Англија

За првпат во земјава, Агенцијата за храна и ветеринарство (АХВ) неодамна со петстотини евра казни сопственик за напуштање на својот миленик, по поднесена претставка од невладина организација за заштита на животните. Активистите ја нашле кучката напуштена со нејзините три мали кутриња, а се претпоставува дека таа била напуштена кога останала трудна.

„Лицето пред инспекциските служби на АХВ потврдило дека бил сопственик на кучето кое не било  микрочипирано, а за кое тврдел дека подолго време е изгубено, зашто немал поднесено пријава“, соопштија од АХВ.

Ела кога беше пронајдена напуштена, со трите кутриња

Неодговорните сопственици, но и нефункционирањето на стационарот за бездомни животни во моментов се најголеми „виновници“ за моменталната бројка на бездомни кучиња по улиците.

Од Aгенцијата за храна и ветеринарство до сопствениците на домашни миленици апелираат до крајот на годинава да ја искористат можноста и бесплатно да ги микрочипираат милениците, за во случај да се изгубат, полесно да бидат лоцирани нивните сопственици, а со тоа да не доаѓа до нивно размножување.

Би можело да ве интересира

До Нова година бесплатно чипирање на милениците, почнува кампањата за помалку бездомни животни

Ана Ололовска

Почнува кампањата за одговорно сопствеништво и намалување на бројот на бездомни кучиња

Ана Ололовска

Приведен убиецот кој со секира ги искасапи двете кучиња во Аеродром

Мери Јордановска

АХВ: Колењето свињи да се врши крајно внимателно со преземање на сите безбедносни мерки

Ана Ололовска

АХВ: Сопствениците до крајот на годинава да ја искористат можноста за бесплатно микрочипирање

Ана Ололовска

Наезда на мачки во НОБ, има забрана за нивно хранење

А1он