Управата за финансиска полиција до Основното јавно обвинителство Кочани поднесе кривична пријава против управителот и сопственик на „Малеш продукт“, Друштво за внатрешен и надворешен промет од Делчево. Во рок од три години имал приход од 30.178.740 денари или близу половина милион евра за кои не платил данок на добивка во вредност од 3.178.740 денари.
„Лицето Ж.А. со намера да се стекне со противправна имотна корист за себе и за пријавениот правен субјект, во даночниот биланс за 2015 година поднесен до Управата за јавни приходи во не пријавило приходи од застарени Обврски по основ на фактури, аванси и позајмици постари од 3 години, во вкупен износ од 30.178.740 денари, со што пријавениот не пресметал, не пријавил и не уплатил данок на добивка по даночна стапка од 10% во вкупен износ од 3.017.874 денари, за кој износ го оштетил Буџетот на Република Северна Македонија“, соопшти Финансиската полиција.