Уапсена е 42-годишна жена, која била фатена на дело како краде паричник од пациенти во болницата во Тетово.
Според информациите жената била затекната во една од собите на тетовската Клиничка болница, при обид да изврши кражба на паричник на 54-годишна тетовка.
„ Вчера (27 февруари) во 12.55 часот, полициски службеници на СВР Тетово ја лишиле од слобода 42-годишната тетовка П.С.. Таа била затекната при обид да изврши кражба на паричник на 54-годишна тетовка во една од собите на тетовската Клиничка болница.“ велат од МВР.
Жената била задржана во Полициската станица Тетово за целосно расчистување и документирање на случајот, по што против неа ќе биде поднесена соодветна пријава.
