Поранешниот портпарол на МВР, Иво Котевски не се појави на денешното рочиште за случајот „Тортура“ за апсењето на лидерот на Обединети за Македонија, Љубе Бошкоски, каде беше повикан да сведочи за настанот.
По ова обвинителот Љубомир Лапе го повлече Котевски од листата на сведоци.
Причина плус за одложување на рочиштето е и отсуството поради болест на еден од обвинетите во случајот.
Следното рочиште за случајот е закажано за 9 октомври.
Во „Тортура” првообвинет е ексдиректорот на УБК, Сашо Мијалков како и поранешниот прв човек на единицата „Алфа” Ивица Антевски – Пуки заедно со уште петмина припадници на единицата.
Специјалното јавно обвинителство ги гони за мачење и друго сурово, нечовечко или понижувачко постапување и казнување.