Вечерва пред платото на ГТЦ ќе се случи несекојдневен настан со возобновување на некогашното скопско корзо.
Како дел од кампањата Излези за ГТЦ, чија цел е да ги мотивира граѓаните да излезат на референдумот за задржување на автентичниот изглед на ГТЦ на 26-ти април, се организира корзо кое ќе започне од паркот Жена борец во 20 часот и ќе трае до 23 часот.
Во сабота, под мотото „Милениците го сакаат ГТЦ“, сите сопственици на домашни миленичиња ќе имаат можност да добијат бесплатни прегледи и консултации со ветеринари и кинолози.
Настанот започнува во паркот Жена – Борец во 13 часот.
Во паркот, во истиот период ќе се одржи и настанот „Најмладите творат за ГТЦ“ каде под менторство на ликовните уметници Ѓорѓе Јовановиќ, Инес Ефремова и Дороти Поцкова, најмладите ќе имаат можност да цртаат и да ја покажат својата креативност. За нив се обезбедени хамери и боички.
Во 14 часот, кружните скали кај ГТЦ ќе бидат собирно место за сите оние кои го користат Инстаграм кои ќе ја истакнуваат својата креативност изразена преку фотографии и видеа посветени на Градскиот Трговски Центар.