Командири му платиле по 2.000 евра на затвореник кој ги измамил ветувајќи им унапредување: Вонреден надзор во Идризово

Од:

Управата за извршување на санкции изврши вонреден наздор во КПД Идризово со цел да се проверат наводите на осудените лица Тони Денковски и Јанко Јаневски за закани по живот, рекет и уцени.

„Во врска со наводите на Јанко Јаневски кој отслужува 9 годишна затворска казна , дека имал уцени и закани по живот да врати 4000 евра во рок од 24 часа, Управата за извршување на санкции изврши разговор со двајца припадници на затворската полиција кои тврделе дека биле измамени од Јаневски кој им побарал по 2000 евра ветувајќи им дека ќе бидат префрлени со работа во МВР. Вкупната сума од 4000 евра му ги исплатиле на негов пријател во трговскиот центар ,,Сити мол”. Командирите по извесен период сфатиле дека се измамени и настанот го пријавиле во ПС Кавадарци.

Службените лица од Управата разговарааа и со осуденото лице Јанко Јаневски кој појаснил дека никогаш не зел пари од припадници на затворската полиција, туку напротив, дека лично тој му давал пари на Киро Димов, припадник на затворската полиција. Осудениот Јаневски парите ги добивал од спортско обложување кое се организирало во установата и на неколку наврати му позајмувал пари на Димов. Потоа почнал да му се заканува преку осудени лица за враќање на долгот во рок од 24 часа.За наводите дека припадникот на затворската полиција земал пари од Јаневски, потврдиле и две други осудени лица“, стои во извештајот на Управата за извршување на санкции.

Во однос на осуденото лице Тони Денковски за неговата поплака дека му е нарушена безбедноста и дека има закани и уцени од страна на осудени лица и припадници на затворската полиција за што е поднесена и пријава до Основното јавно обвинителство за организиран криминал и корупција, од разговорот со него тој не посочил конкретни имиња на осудени лица или припадници на затворската полиција поради што не можело да се проверат неговите наоди. За Денковски , во дневните билтени не е евидентиран некаков настан или физички напад на ова лице а преземени се и мерки за заштита на неговата безбедност, сместен е сам во соба и сам оди на прошетка.

До денот на извршениот надзор осуденото лице Тони Денковски нема поднесено барање за преместување во друга установа.

Би можело да ве интересира

Ковачки: Системот „Безбеден Град“ го лоцирало возилото со кое била киднапирана Вања на 24 и 25 ноември во Маџари и на 27 ноември на најобезбедуваната локација кај хотелот Александар Палас

Предраг Петровиќ

Расчистен се случајот со киднапирањето во Карбинци, нема кривично дело соопшти МВР

Катерина Ѓуровски

Македонската полиција експресно пронајде криминалец баран меѓународна потерница, според германската БКА – ова е сјаен пример за успешна меѓународна полициска соработка

Измамниците во Франција на старите лица им наплаќале од 300 до 2.100 евра за уништување на бубачки

Горан Наумовски

Обвинителството не бара притвор за адвокатот на Палевски, но ги продолжува проверките дали бил инволвиран

Александар Тодески

Ковачевски за Мицкоски: Прикривање на докази е кривично дело, ако ги има, треба да ги достави до МВР или ОЈО