ЕВР Гази Баба поднесе кривична пријава против А.А.(20) од Скопје, поради постоење основи на сомнение за сторени кривични дела „затајување“, „фалсификување исправа“ и „употреба на исправа со невистинита содржина“.
На 7 август лани, на Меѓународниот аеродром во Скопје, младиот скопјанец потпишал договор за изнајмување на автомобил „Ауди А5“ за период од 7 до 15 август, а за услугата платил 34.389 денари.
Но, кога дошол денот на кој требало да ја врати колата, момчето не се појавило во салонот на рентакар-компанијата, а дента му испратило СМС-порака на агентот со кого го склучил договорот – во неа А.А. напишал дека му го продал „Аудито“ на човек од Тетово, се вели во полициското соопштение.