По средбата со високата претставничка на Европската Унија, Федерика Могерини, Билал Касами од Движењето БЕСА изјави дека Македонија влегла во институционална криза откако паднала и институцијата претседател на државата.
„Оваа криза е резултат на двете партии, ВМРО-ДПМНЕ и ДУИ, кои и понтаму водат политики кои се на штета на државата, иако глумат дека не се заедно. Ние знаевме дека оваа игра на претседателот со барањето потписи како гаранција е алиби на Иванов да не го додели мандатот“ рече Касими.
Изјава даде и Мендух Тачи од ДПА кој смета дека е залудно што Албанците се организираат во партии кога постои еден човек кој нивните гласови ги множи со нула и смета дека вокабуларот кој што се користи деновиве наликувал на тој од 90-тите години.