Министерот за правда Аднан Јашари ќе биде посредникот меѓу политичките партии потписници на договорот во Пржино и Советот на јавни обвинители. За да се деблокира политичкиот дијалог од Советот на обвинители ќе побара да биде избран целиот тим на специјалната обвинителка Катица Јанева, а тоа значи сите 14 предложени обвинители од нејзина страна.
Истата постапка ќе биде и со Уставниот суд од кој Јашари ќе бара да не се поведе постапка за оценување на уставноста на Законот за специјалниот јавен обвинител.
Ова, велат за А1он, од преговарачките тимови е единствениот начин за излез од политичката криза со цел да продолжат преговорите за релаизрање на договорот од Пржино.
Доколку се надмине овој проблем, следува усогласување на изборните правила за кои е веќе постигнат договор, а потоа и регулирање на медиумксата сфера и избор на нови министри и заменици министри во владата.