„Радувај се Македонијо, правдата доаѓа. ВМРО победува. Гордана ќе биде“, со овие зборови, генералниот секретар на партијата ја почна првата прес-конференција по денешното гласање за претседател на државата.
Водиме во огромен број места, рече Јанушев.
„По 43% обработени податоци, водиме во Битола, Велес, Кавадарци, Кичево, Кочани, Неготино, Охрид, Прилеп, Пробиштип, Штип, Аеродром, Бутел, Гази Баба, Кисела Вода, Пехчево, Јегуновце, Градско, Вевчани, Могила и Ѓорче Петров“, додаде тој.
Јанушев рече дека ВМРО-ДПМНЕ победило во Илинден, Лозово, Радовиш…
„Вечерва победува правдата во Македонија. Македонската пролет се случува“, рече Јанушев.
Со гласни извици „ВМРО-ДПМНЕ“ и „Македонија“, членовите на Унијата на млади сили на партијата го пречекаа Јанушев во прес-салата.
Меѓу присутните беа и Марјан Додовски, Самоил Малчевски, Марјан Додовски, Косана Мазнева..
Васко Маглешов