Јанева дала наредба за претреси на сите обвинители при влез и излез од СЈО

Од:

Шефицата на СЈО, Катица Јанева, преку истражител во обвинителството дала наредба за претреси и проверки на сите кои влегуваат и излегуваат од зградата, вклучетелно и обвинителите, дознава „А1он“. Според нашите информации, наредбата на Јанева следува откако таа добила покана за распит од Вилма Русковска.

Новината не им била соопштена на обвинителите и останатите вработени. Шефицата Јанева ја донела одлуката денес, а сите останати дознале откако на влез во СЈО, полицаецот ги стопирал и им барал да им ги провери торбите кои ги носеле со себе по налог на Јанева, велат извори за „А1он“.

Вработените се шокирани и револтирани од ваквата наредба на Јанева. Дел од нив сметаат дека ова е притисок, бидејќи ваквата одлука следува по добиената покана Јанева да се јави во ОЈО на распит, но и откако, обвинителката Лиле Стефанова веќе даде исказ пред јавен обвинител.

Сите обвинители се оградија од Катица Јанева веднаш откако Обвинителството за организиран криминал и корупција со кое раководи Вилма Русковска објави дека се врши истрага за предметот „Рекет“ во кој се спомнува и шефицата на СЈО.

Минатата недела во разговорите објавени од италијанскиот весник се слушаше како Катица Јанева разговараше со бизнисменот Орце Камчев преку телефонот на Боки 13. Таа му велеше „Не се секирај, ќе биде се ок“.

За многумина не е јасно зошто Јанева се уште го води обвинителството, односно издава наредби и ги носи конечните одлуки и по снимките на кои се слуша нејзиниот глас во комуникацијата со Камчев.

Би можело да ве интересира

Ниту измените во Кривичниот законик, ниту најавената амнестија не ја опфаќаат Катица Јанева

Дел од измените на Кривичниот законик од утре стапуваат на сила: Што ќе значат за осудените ексфункционери

Александар Тодески

Пендаровски одби да ја помилува Катица Јанева

Орце Костов

Судот во Стразбур ќе ја објави одлуката за поништената аболиција на Иванов

Катерина Ѓуровски

Приведени две лица за изнуда, поднесена кривична пријава

(АУДИО) Русковска не знае дали е таа на новите бомби за кои кажа дека се од „Рекет“, па сега не знае што врска имаат со предметот

Кристијан Ландов