Владимир Панчевски, претседателот на Основен суд Скопје 1, во својот имотен лит, објавен на страната на Државната комисија за спречување на корупција, напишал дека месечно по основ на плата и закупнина од имот, прима скромни 22.000 денари.
Нејасно е дали Панчевски мислел на денари или на евра, затоа што како претседател на Кривичен суд, тој месечно прима повеќе од 70.000 денари.
Со оглед дека тој, како имот пријавил дека поседува девет стана и куќа во Скопје, тогаш можеби се работи за 22.000 евра заедно со издавање на овие објекти.
Становите , голема површина градежно земјиште, земјиште , деловен простор и девизни заштеди ги стекнал со наследство, а куќата, денарските заштеди, како што пишува, на друг начин. Панчевски не дал податоци како ги стекнал заштедите во денарски сеф.
Според законот, носителите на јавни функции мораат да го пријават својот имот. давањето лажни податоци е кривично дело.