На судијата Панчевски му се заканува суспензија поради обвинението за АКМИС-от

Од:

Судскиот совет по службена должност го прибавил обвинението за експретседателот на скопскиот кривичен суд, Владимир Панчевски, за злоупотребите со АКМИС системот, потврдија од Советот за „А1 он“.

Советот сега може да одлучи да го суспендира Панчевски, како што тоа неодамна го направи во истрагата на Обвинителството за гонење организиран криминал и корупција, за управниот судија, Мустафа Шаини.

За Панчевски во Советот е отворен и предмет по поднесена иницијатива за нестручно и несовесно вршење на судиската функција и е формирана комисија, која треба да го разгледа и обвинението за експретседателот на скопска единица.

Скопското обвинителство по спроведената истрага поднесе обвинение за злоупотреба на службената положба и овластување за Панчевски, за местење предмети заобиколувајќи го електронскиот автоматизиран систем за распределба на предмети, АКМИС.

Панчевски на неговиот профил на „Фејсбук“, сподели статус во кој што напиша дека предметот е фингиран и дека потонуваат 47 судии во прв степен и сите судии кривичари во Апелација и во Врховниот суд и обвинителите во обвинителствата.

„Ако Панчевски е криминалецот што распоредувал предмети, а суделе судии избрани од Судскиот совет во прва степен, а потоа постапувале по жалба и по вонредни правни лекови“, напиша тој на „Фејсбук“.

Би можело да ве интересира

Ветингот на „стенд бај“ до изборите

Ана Ололовска

Колевски: Ветингот не смее да ја наруши самостојноста на јавното обвинителство

Ана Ололовска

Дескоска: Ветингот во правосудството по изборите

Ана Ололовска

Ќе влеземе во прочистување на правосудството, нема да влеземе во ветинг, вели премиерот

Ана Ололовска

Имотната состојба на судиите и јавните обвинители ќе се проверува во 2020 година

Ана Ололовска

Сите се за ветинг – за издвојување на чесните од непрофесионалните и корумпираните

Ана Ололовска