Извлекување на наградната игра „Фискална во рака-награда без мака“

Од:

Со директен пренос на МТВ1 вечерва ќе се одржи деветото извлекување од наградната игра „Фискална во рака – награда без мака“, чиј приредувач е Државна лотарија на Македонија под покровителство на Министерство за финансии.

Во ова коло на наградната игра се извлекува еден автомобил, 30 вредносни ваучери од 3.000 до 60.000 денари и 120 вредносни ваучери за прехранбени продукти во вредност од по 1.000 денари.

Во извлекувањето учествуваат сите коверти испратени за деветото коло со сметки кои се валидни од најран датум 15.11.2013 година.

Досега од наградната игра „Фискална во рака – награда без мака“ се доделија два стана и тоа на добитникот Трајко Кузмановски од Куманово и добитничката Весна Угриновска од Велес, два деловни простори како и осум автомобили.

Покрај главните награди за претходните 8 извлекувања доделени се и 1.200 вредносни ваучери од 60.000 до 1.000 денари на добитници ширум Македонија.

Добитниците на вредносните ваучери по различни категории, своите награди ќе ги подигнат од благајната на приредувачот. Ваучерите во вредност од 1.000 до 5.000 денари за добитниците од другите градови освен Скопје, ќе бидат доставени на адреса на добитникот со препорачана пошта, додека за подигање на ваучерите во вредност од над 5.000 денари добитниците треба да дојдат во благајната на Државна лотарија на Македонија, во рок не подолг од 60 дена од објавата на извештајот со добитници од наградната игра.

Имињата на добитниците, во рок од три дена по секое извлекување, се  објавуваат во дневниот печат и на веб страната на Државна лотарија на Македонија. По добивање на вредносните ваучери, добитниците имаат можност согласно категоријата на производи, да се обратат на кое било продажно место на соработниците, наведени на самиот ваучер, каде во соодветната категорија на производи може да изберат еден или повеќе производи до соодветната вредност, со дополнително намалена вредност од малопродажната (наведен процент на попуст на ваучерот), со што се остава слобода на изборот согласно потребата на добитникот, се вели во соопштението на Државната лотарија на Македонија.

Би можело да ве интересира

Словенец на лотарија доби речиси два милиони евра

Познат скопски ресторан издава фискални сметки на руски јазик

Ана Ололовска

Џекпотот на американскиот „Мега милионс“ достигна 1,6 милијарда долари

Наум Локоски

Премијата за американската лотарија се искачи на 654 милиони долари

Наум Локоски

Најмалку фискални сметки се издаваат за извршени услуги

Ана Ололовска

Американец освои џекпот на лотарија од 540 милиони долари

Емир Латифовиќ

Leave a Comment

20 − thirteen =