Околу полноќ е изгаснат шумскиот пожар над Битола во познатата Лавчанска корија во атарот на селото Лавци, информираат од Територијалната против пожарна единица (ТППЕ)-Битола и појаснуваат дека со пожарот била зафатена површина од околу 10 хектари.
– Нашите екипи десеттина часови се справуваа со шумскиот пожар над Битола, во атарот на селото Лавци. Гореше нискостеблеста шума, но за жал изгоре бор и смрека што инидицира дека станува збор за потпалување, истакна Костадин Поповски, раковидител на ТППЕ-Битола.
Локацијата кадешто избувна шумскиот пожар над Битола е позната и традиционална рекреативна зона на голем број вљубеници на планината, но по вчерашниот пожар – опустошена, нагласуваат од ТППЕ-Битола.