Екс-началникот на Петтата Управа, Горан Грујевски и портпаролот на опозициската ВМРО-ДПМНЕ, Иво Котевски, моментално се на распит во Специјалното Јавно Обвинителство.
Пред влезот во СЈО, на прашање на новинарите до Котевски, кој е поводот за неговото присуство во СЈО, тој не даде одговор. Случајот „Талир“, се однесува на незаконско финансирање на партијата.
Во петокот на распит се појавија седуммина од осомничените, меѓу кои поранешниот генерален секретар на партијата, Емил Димитриев, пратеничката Даниела Рангелова, поранешниот министер за транспорт и врски, Миле Јанакиески.
Првоосомничен во случајот е претседателот на ВМРО-ДПМНЕ, Никола Груевски, кој во петокот не се појави на распит бидејќи немал добиено уредно покана. Доколку не одговорат на поканата, обвинителите најавија дека ќе бараат од судот да издаде наредба за присилно приведување.