Институциите молчат, инсајдери јавуваат дека хакерскиот напад на Бирото за јавни набави е од Грција и исклучиво за пари

Од:

МВР и Националниот центар за одговор на компјутерски инциденти втор ден молчат за блокадата на веб-страницата на Бирото за јавни набавки која шест дена е блокирана. Инсајдери вчера јавија дека се работи за успешен хакерски напад на страницата од која бил избришан целиот бекап, а за враќање на основните податоци хакерите барале откуп во биткоини.

За нападот молчи и директорот на Бирото за јавни набавки Борче Хаџиев. Тој не одговара на телефонските повици, ниту на пораките во кои „А1он“ побара објаснување за блокираната веб – страница.

Додека институциите молчат, инсајдери повторно јавуваат дека веќе е извесно од каде дошол нападот.

„Страницата е нападната од хакерска група од Грција и зад нападот, според сегашните информации, нема некаква друга заднина туку се работи исклучиво за пари, бараат откуп. Сите овие податоци им се познати на надлежните институции“, велат инсајдери за „А1он“.

Тие вчера јавија дека врз страницата на Бирото за јавни набавки е извршен “ransomware” напад кој претставува криптирање на податоците, а за нивно враќање односно декриптирање потребен е клуч за кој хакерите бараат откуп во биткоини.

Шест дена во недоумица се и јавните институции и компаниите кои соработуваат со нив оти немаат насоки како да постапуваат. На страницата место податоци за тековните тендери на јавните институции, информации за склучените договори како и архива од досегашното работење, стои само известување дека сервисот е недостапен поради сериозни технички проблеми и дека сите рокови за јавните отворања, крајните рокови и аукциите ќе бидат продолжени.

Извори за „А1он“ велат дека се стравува од трајно бришење на архивата на Бирото за јавни набавки што остава простор за манипулации со информациите за минати тендери.

Би можело да ве интересира

Биро за јавни набавки: ЈСП избрало неприфатлива понуда за набавка на нафта

Катерина Ѓуровски

Пола милион евра за празници: На тендерот едни исти – 100.000 евра на тетовска фирма за 22 години од Рамковниот, 350.000 за четири државни празници

А1он

Хакерски напад на Бирото за јавни набавки, се бара откуп во биткоини, алармираат инсајдери

Стојаноски: Бирото за јавни набавки ги опоменало институциите за необјавувањето единечни цени на склучени тендери

МВР утврди хакерски напад врз веб-страницата на ДИК на денот на изборите, се бараат сторителите

Жарко Настоски

Дисциплинска против вработен во Државниот архив, ненамерно додал три нули во јавна набавка на кетеринг

Маја Илиевска-Пачемска