Половина милион евра ќе чини одбележувањето на државните празници и прославата на годишнината од Рамковниот договор. И оваа година тендерите ги добија веќе познати фирми и биле единствени понудувачи кој се јавиле на огласот.
Тендерите ги добија две фирми, на јавни набавки на кои немале конкуренција. Тетовската фирма „Арбериа дизајн“ повторно ќе ја организира годишнината од Рамковниот договор.
Фирмата „Скопје Филм Студио“, пак, е задолжена да ги организира прославите за 2 Август – Денот на Републиката, Илинден, 8 Септември – Денот на независноста, 11 Октомври – Денот на народното востание и 8 Декември – Ден на Св. Климент Охридски.
На „Скопје Филм Студио за реализација на настани за одбележување на овие четири празници, ќе ѝ бидат исплатени околу 350.000 евра. Како и 150.000 евра за осмислување и реализација на активности на настан – Отворен Балкан.
Околу 100 илјади евра ќе чини одбележувањето на 22-годишнината од Рамковниот договор. Се бара стихотворба од реномиран поет и спот за песна.
Овој договор го доби тетовската фирма „Арбериа дизајн“. За 100 илјади евра ќе треба да ја организира манифестацијата и да обезбеди хотелски, кетеринг и други услуги. 300 илјади денари за концепт за организирање на настанот, како и 290 илјади денари за стихотворба од реномиран поет, музички аранжман и аудио запис на песна по повод годишнината.
За продукција на спот за песната се предвидени околу 4.000 евра. Додека продукцијата на аудио-визулен спот за постигнувањата на Охридскиот договор ќе чини околу 6.000 евра.
Според договорите коишто се објавени на Бирото за јавни набавки, склучени во јули, а се на сила до крајот на годината. Како критериум за доделување на договорот се наведува најдобриот однос помеѓу цената и квалитетот.