Љубе Бошкоски се уште е пред истражен судија, каде според сознанија на А1 се врши вкрстено испрашување и соочување на приведените поранешни припадници на полициските сили.
Полицијата го поврзува Бошкоски, како функционер кој знаел, а не презел ништо во врска со убиството на Марјан Тушевски во 2001 година. Бошкоски тогаш ја извршуваше функцијата министер за внатрешни работи.
Утрово се приведени 9 поранешни припадници на полициските сили, меѓу кои и неговиот телохраните Зоран Трајковски.
Од партиски извори, дознаваме дека странски претставници во земјава, се интересирале за безбедноста на Љубе Бошкоски и на неговото семејство, бидејќи, велат истите извори, добиле информации дека се монтира судски процес за убиството на Тушевски.