Хоџа: Владејчкото мнозинство е стабилно, едногласно сме против предвремени парламентарни избори

Од:

На оваа средба уште еднаш покажавме дека мнозинството е стабилно, дека владејачкото мнозинство треба да продожи. Сите се согласивме дека какви било процеси што би воделе кон предвремени парламентарни избори ќе бидат многу проблематични, тешки и за економската ситуација, социјалната и безбедносната во државата. Затоа сите едногласно сме против организирањето на предвремени избори, истакна генералниот секретар на Беса, Аријанит Хоџа, по координативниот состанок на премиерот Зоран Заев со лидерите на коалициските партнери.

Тој посочи дека сегашната Влада го добила мандатот во 2020 година и, како што рече, тоа што го презеле како одговорност на почетокот на составувањето на Владата се евроинтеграциските процеси, кои се многу важни.

– Се наоѓаме во многу деликатен процес и заради тоа треба сите заеднички да го искажаме ставот дека навистина е потребно да продолжи владејачкото мнозинство бидејќи целта и на оваа Влада кога се состави беше да се убрза процесот на евроинтеграции, рече Хоџа.

Тој, околу оставката на премиерот Заев, нагласи дека Беса не се согласуваат со тоа, но оти тоа е личен чин за кој премиерот само одлучува.

– Бевме информирани дека останува на оставката, нормално наше барање е за тоа да има простор за колку време тоа би се извршило, бидејќи сме во многу деликатна ситуција политичка, каде што навистина може каков било погрешен чекор да направи тотален хаос, а тоа реално би не однело до предвремени избори за што сите се согласивме дека не е момент, ниту има простор да се организираат, заклучи Хоџа.

Би можело да ве интересира

Влада: Одлука за кадровското решение во ЦУК на наредната седница

Студентите и вработените на ФИНКИ на протест пред Владата

Зошто се одложува изборот на нов универзален снабдувач на струја за домаќинствата?

А1он

Тошковски за поништувањето на неговите наредби: Во влада се тотално неинформирани, како не им е срам

Орце Костов

Џафери за новите автомобили: Лизингот е поевтино решение, ако останат во Владата одржувањето ќе биде скапо

Орце Костов

Битиќи за владината набавка на 45 нови возила: Подобро е на лизинг, трошоците се помали

Орце Костов