Невремето што вчера го зафати Скопје направи големи штети низ градот, над 10 луѓе пријавија повреди, а откорнати, искршен или паднати дрвја утрово има низ сите населби.
Идентично е и во Градскиот парк, силниот ветер искрши голем дел од дрјвата. Дел од нив се паднати по патеките во паркот.
Екипите на Град Скопке, на сите општини како и МВР учествуваат во расчитувањето на последиците од невремето.
Според МВР, најголеми последици од невремето се регистрирани на подрачјето на СВР Скопје, каде до 22 часот вчера се евидентирани 117 оштетени патнички моторни возила, 35 оштетени покриви, 189 паднати дрвја, седум оштетени семафори, пет пожари и 10 повредени лица.
