На официјалната страна на Фејсбук, Budapest Business Party (Бизнис забава Будимпешта) беше објавена фотографија на која се гледа експремиерот Никола Груевски, сега азилант во Будимпешта, Унгарија кој е сликан со организаторите на забавата. Девојката на фотографијата е хостеса или организатор на забавата со оглед дека се има сликано со сите гости и не е никаква придружба на Груевски.
Станува збор за бизнис настан во организација на Италијанската стопанска комора на Унгарија (ИТЛ Груп), а на која присуствуваат претставници од голем број унгарски и италијански компании и познати ликови од естрадата. За истата забава претходно имаше вест на 7 јули кога Груевски беше сликан на забава на брод.
Останува неизвесно што барал Груевски на настан од ваков тип и во кое својство бил поканет. На фотографијата е и еден унгарски бизнисмен и домаќинот на бизнис забавата, Алесандро Фарина. Забавата се одржува покрај Дунав.
На настанот присуствува и Италијанецот Роко Сифреди, еден од најпознатите актери во светската порно индустрија.
