Граѓански собир: Мој термин за чист воздух!

Од:

Граѓаните на Скопје се здружија за да го изразат својот револт против енормното загадување на Скопје. Настанот е закажан за понеделник, 5 декември, во 5 часот попладне, пред Град Скопје (Градски Парк).

dobivaj vesti na viber

Сакаме да го искажеме нашето незадоволство од релаксираноста и незаинтересираноста на надлежните институции, а од Град Скопје и општините да побараме итни мерки како и долгорочен план за решавање на оваа еколошка и здравствена катастрофа. Сите досегашни мерки и стратегии понудени од институциите и Град Скопје не вродија со плод. Потфрлија и нивните ветувања дека ќе се дознаат загадувачите, ќе се најдат причините, ќе се преземат сите неопходни законски мерки и граѓаните на Скопје ќе бидат поштедени од натамошно труење.

Најавите за следната година, според буџетот на Град Скопје, не уверија дека ниту следната година не е планирано справување со оваа катастрофа и решавање на овој проблем. Напротив! Скопје и понатаму неконтролирано се урбанизира, се промовира автоцентричниот пристап – автомобилите имаат првенство пред јавниот превоз, велосипедите и пешаците. Се затвораат очите на надлежните институции пред очигледното и документирано незаконско работење на скопските индустриски објекти, дивите депонии, како и домаќинствата кои во време на економска криза и ниска свест, користат крајно сомнителни суровини за загревање.

Заради сето ова:

1. Имаме најголемо аерозагадување од канцерогени PM2.5 честички во Европа (39.4 mg/m3 годишен просек), според Светска Банка.
2. Четворица македонци умираат во просек дневно заради загадениот воздух (1350 годишно), според Светска Банка.
3. Во 2015 година, секое второ дете имало респираторни здравствени проблеми според Институт за јавно здравје.
4. Загадениот воздух има ризици врз репродуктивниот систем кај жените: дефекти при раѓање, смрт на новороденчиња, ризик од канцер, според Светската здравствена организација.
5. Кај повозрасните граѓани (над 60 години), загадениот воздух предизвикува мозочни оштетувања и „тивок“ мозочен удар што може да предизвика вистински мозочен удар, деменција, депресија и други негативни здравствени ефекти, според Универзитетот во Бостон.

Алармот е вклучен! Бараме итни мерки и сериозно долгорочна стратегија! Не прифаќаме изговори!

Ве молиме за споделување на ова соопштение преку вашите медиуми и Ве покануваме на прес конференција во понеделник, 05.12.2016 година, во 17 часот пред Град Скопје (Градски Парк).

Здружените граѓански иницијативи:

Скопје Смог Аларм
Скопје бара чист воздух
Let’s do it Macedonia – Ајде Македонија
Сакаме Аеродром да дише
No Pasaran!

Во одбрана на Дебар Маало

Би можело да ве интересира

Скопје под магла, загаденоста на воздухот расте

Научниците и натаму поделени околу способноста на коронавирусот да се пренесува преку воздух

Жарко Настоски

Истражување: загадениот воздух во просек го скратува животот на секој човек на планетата за две години

Жарко Настоски

СДСМ: Загадениот воздух и нечистата животна средина се единствено наследство од владеењето на ВМРО-ДПМНЕ во Скопје

Движењето за чист воздух утре со блокада пред „Дрисла“

Наум Локоски

(ВИДЕО) Узунов: Не може со 1,5 милион евра да се исчисти најзагадениот град во светот, а 2 милиони да се трошат на патни трошоци

Наум Локоски