Два месеца стои отворена и необезбедена дупка на улицата Ванчо Мицков во Карпош откако ЈП Водовод и канализација по еден месец молење од страна на граѓаните решиле да ја санираат цевката од која непрекинато течела вода.
Граѓаните за А1он велат дека откако дошле, на вработените во Водовод и канализација им требале две недели за да го лоцираат проблемот, а откако ја санирале цевката, ја оставиле дупката отворена и необезбедена.
Тие апелираат да се санира непотребна опасност некој да пропадне. Велат, ги замолуваат вработените во ЈП Водовод и Канализација во пауза помеѓу партиски митинзи на ВМРО-ДПМНЕ, каде се приморани да присуствуваат, да дојдат да ја затврат дупката.
