Кавадарци наскоро ќе добие зонско паркирање, најави денеска кавадаречкиот градиначалник Александар Панов.
Според него се чека само Секторот за внатрешни работи Велес да го разгледа проектот кој е доставен на верификација и да оцени дали улицата „Илинденска” е дозволена за паркирање или не.
-Во првите десетина дена возачите нема да се казнуваат со цел да се научат како правилно да го користат зонското паркирање. Тие ќе бидат упатувани и корегирани со што службите би имале помалку интервенции тогаш кога официјално ќе започне зонското паркирање, нагласи градоначалникот.
Тој потсети дека претходно и официјално беше потпишан договорот со партнерот за зонското паркирање и додаде дека „Илинденска” е главната централна улица во градот која е пренатрупна со паркирани возила од двете страни на коловозот.
– Проектот е изработен од страна на искусна фирма од Битола. Се надевам на позитивен одговор од СВР Велес, со што конечно ќе почне да се решава сообраќајниот хаос во Кавадарци, информираше Панов.
Катната гаража е веќе подготвена, рече тој и дека останува обележувањето на хоризонталната и вертикаланата сигнализација низ улиците каде ќе се одвива зонското паркирање.