Градоначалникот Мицевски го угости својот колега од општина Самбервил од Белгија

Од:

Делегација на збратимената општина Самбервил од Белгија, предводена од градоначалникот Жан-Шарл Луперто и Никол Думонт, советник за култура и фолклор, денеска оствари прва официјална средба со градоначалникот Борјанчо Мицевски.

Средбата беше во знак на поддршка и пријателство за градоначалникот Мицевски, како и честитки за мандатот и постигнатиот успех на локалните избори.

Досегашната соработка помеѓу двете општини воглавно се одвиваше на полето на културна размена, а сега и нашите напори ќе бидат во насока на изнаоѓање на можности и услови за приближување на интересите и во други области, пред се на економски план, изјави Жан Чарлс Луперто.

Градоначалникот Мицевски се заблагодари за четитките и за досегашната соработка и пријателство и изјави дека општината и тој како градоначалник, ќе настојува ова ниво на соработка да го унапреди, користејќи ги пред се можностите и ресурсите, кои ги нуди ЕУ преку соодветни програми, како за локална, така и за регионална соработка, а воедно предложи и конкретни активности во насока на организирање на првични работни средби со бизнис заедницата на локално ниво и можности за инволвирање и на стопанските комори на национално и регионално ниво.

Соработка помеѓу двете општини е воспоставена во јуни 2011 година благодарение на иницијативата за збратимување што ја покренал кривопаланечкиот иселеник Илија Величковски и неговото семејство, кој долги години живеат и работат во овој град, по што од страна на локалните власти на Самбервил веднаш била упатена покана за збратимување и посета на белгискиот град, оддалечен само 50-тина километри од Брисел.

Би можело да ве интересира

Координативен состанок за трајно решавање на проблемот со неконтролираното движење на добитокот во Крива Паланка

Предраг Петровиќ

Заловени 96 говеда во Крива Паланка, АХВ се соочува со опструкции од поранешните сопственици

Крива Паланка поднесe кривични пријави поради неспроведените решенија за одземање на добитокот

А1он

Митовски бара законски овластувања за да го реши проблемот со добитокот по улиците во Крива Паланка

Зад рудникoт за антимон во Крива Паланка стојат донатори на ВМРО-ДПМНЕ, тврди СДСМ

Катерина Ѓуровски

Градоначалникот на Крива Паланка да не се амнестира од проблемот со кравите, реагира АХВ