500 вљубеници во нашето Скопје се потребни за да се прегрне Градскиот трговски центар.
Граѓаните вечерва со една голема прегратка ќе кажат едно големо НЕ за облекувањето и на ГТЦ во барок.
Собирање на потписи, обраќање на познати уметници, писатели, публицисти и за крај обрач од прегратки околу Градскиот трговски центар, најавуваат од Асоцијацијата на архитекти.
По најавата дека Градскиот трговски центар ќе добие нов лик, започна иницијатива „Го сакам ГТЦ“, чија цел е зачувување на духот и карактерот на објектот.
Собирањето на потписи ќе започне во 10 часот и ќе се одвива во текот на целиот ден, пред влезот на ГТЦ.