Голем пожар кај Карбинци, две вили настрадаа во огнената стихија

Од:

Две вили во атарот на општина Карбинци, од кои едната целосно изгоре, се меѓу објектите кои настрадаа во големиот пожар што изби попладнево и брзо се прошири поради силниот ветер. Зафатена е голема површина на земјоделско земјиште и култури, а во опасност се доведени и повеќе други објекти.

Градоначалникот на Општина Карбинци, Јордан Насев, вели дека од едната вила евакуирано е едно лице со инвалидитет. Пожарот се шири брзо поради ветерот и веќе е пристигнат кај препумната станица за вода во близина на село Радање.

Насев вели дека е ангажирано месното население, кое им помага на штипските пожарникари кои веднаш пристигнале да интервенираат. Проблем им создаваат одредени шумски појаси каде пламените јазици се издигнуваат по неколку метри.

Засега нема информации околу тоа како избувнал големиот пожар.

Инаку, ова е веќе трета голема огнена стихија во општина Карбинци во изминатиов месец. На почетокот на јули изгореа 300 хектари со житни култури, овошни и лозови насади.

Би можело да ве интересира

(ВИДЕО) Гори зграда од 28 ката во Бразил

Локализиран e пожарот во туристичката населба Абланица во Берово

(ВИДЕО) Пожар уништи зграда во изградба во Русија за само 20 секунди

ЦУК се справи со пет пожари на отворено во едно деноноќие

А1он

(ВИДЕО) Гори полициска станица во Лондон, пожарот го гаснат 175 пожарникари

Горан Наумовски

(ВИДЕО) Голем пожар во Саутемптон, клубот го одложи вечерашниот натпревар