Гоце, Даме и Сандански станаа бугарски револуционери на „Википедија“

Од:

Гоце Делчев – бугарски револуционер. Ова ќе ви се појави на пребарувањето на „Википедија“ за Гоце Делчев, доколку тоа го сторите од вашиот мобилен телефон. Од неодамна, на веб-страницата на Википедија на македонски јазик, за „бугарски револуционери“ се прогласени и Даме Груев, Питу Гули и Јане Сандански, или сите револуционери кои се споменуваат во македонската химна.

Во текстот за нив на „Википедија“, сепак пишува дека тие се македонски национални херои, но веднаш под името стои дека тие се Бугари.

Википедија на македонски јазик е еден од најпребаруваните веб-страници и истата може да биде уредувана од секој граѓанин, но сепак постојат уредници и волонтери кои работат на тоа да бидат прикажани точните факти.

Википедија формално започна во јануари 2001 како проект за создавање на енциклопедија со слободна содржина кон која секој може да даде придонес. Години потоа, страниците на Википедија се појавуваат на врвот од скоро секое пребарување на Google. Википедија стана првото место каде што милиони луѓе одат за да научат некој факт набрзина или за да започнат некое пошироко истражување.

Изданија на Википедија постојат на повеќе од 200 јазици со заеднички збир од неколку милиони статии. Сите изданија, вклучително и македонскиот го користат истиот основен софтвер и се сопственост на Фондацијата Викимедија, непрофитна организација од САД.

Самата веб-страница, со оглед на тоа што е отворена, ги прикажува и последните промени, така што уредниците на „Википедија“ на македонски јазик лесно би можело да лоцираат кој ги претворил македонските национални херои во Бугари.

Би можело да ве интересира

Македонско-бугарска интернет војна на „Википедија“ за Гоце, Даме и Сандански

Мери Јордановска

Македонските и бугарските историчари денеска ќе разговараат за Делчев

Ана Ололовска

Македонските и бугарските експерти со разлики за средновековната историја, за Делчев ќе се разговара утре

Пред 50 години британската армија влезе во Северна Ирска

А1он

ВИДЕО: Борисов и Заев се поклонија пред гробот на Гоце Делчев

Виктор Јованов

ВИДЕО: Во Балтикот пронајден брод стар пет века

Ана Ололовска