„ГТЦ ФОРУМ“ е трет настан како реакција на проектот за нова фасада и доградба на Градскиот трговски центар со кој целосно би се уништила архитектурата на објектот.
Десетина интелектуалци ќе говорат за значењето на Градскиот трговски центар утре во паркот „Жена Борец“ во 20 часот во рамки на иницијативата „Го сакам ГТЦ“.
Меѓу потврдените имиња се Никос Чаусидис, професорите и архитекти Доминика Бошкова и Гоце Аџимитрески, новинарот Александар Писарев и многу други.
Асоцијацијата на Архитекти на Македонија, преку социјалната мрежа Фејсбук ги повика граѓаните утре масовно да се приклучат на овој настан насловен како „Форум ГТЦ“.